Veteran actor na si Pepito Rodriguez, pumanaw na

Pumanaw na ang veteran actor na si Pepito Rodriguez, na dating matinee idol noong 1960’s at kabilang sa mga sikat na artista ng Sampaguita Pictures.

Kinumpirma ng pamangkin na si Hope Marco Neri Yutuc, ang malungkot na balita tungkol sa kaniyang tiyuhin na si Pepito sa Facebook post nitong Huwebes.

Ayon sa kaniya, pumanaw si Pepito dahil sa pneumonia habang nakaratay sa ospital.

“Our beloved tito former actor of Sampaguita Pictures and matinee idol Pepito Rodriguez passed on [at] 4:05 this morning due to pneumonia wherein he was confined yesterday in the hospital,” saad sa post.

Inilarawan ni Yutuc ang kaniyang tiyuhin na soft-spoken, humble, at compassionate man.

"We will miss you so much especially in seeing you always in our Rodriguez reunion," saad niya.

“Tito Pepito we love you so much and so does your loyal fans because of how you lived on being a respected person, as a gentle man, soft spoken, humble, and one who's very compassionate to many. Prayers."

Nagbahagi rin si Yutuc ng mga lumang video niya at tiyuhin, at inihayag kung gaano kamahal at pinapahalagahan ni Pepito ang kaniyang fans.

"We love you so much and you have shown so much love, respect & being compassionate to many especially to your fans who loves you so much too," saad niya sa caption.

Ilang sa mga pelikulang ginawa ni Pepito ang “Mga Batang Bakasyonista,” “Gintong Alaala,” “Sa Bilis Walang Kaparis,” at marami pang iba.

Noong 2024, tumanggap si Pepito ng Iconic Movie Actor of Philippine Cinema award mula sa Filipino Academy of Movie Arts and Sciences (FAMAS) Awards, kasama sina Coco Martin, Robin Padilla, Bong Revilla, Lito Lapid, Roger Calvin, Eddie Gutierrez, at Dante Rivero.