Rumampa ang ilang Kapuso stars and personalities sa Mega Ball 2026 sa paggunita ng Araw ng Kalayaan. Tampok ng pagdiriwang ang pagpaparangal para sa larangan ng malikhaing industriya at pelikulang Pilipino.

Sa Chika Minute ni Nelson Canlas sa 24 Oras Weekend nitong Sabado, sinabing elegant in white si Heart Evangelista sa pagrampa niya sa red carpet.

Ipinakita pa ni Heart ang jewelry na siya mismo ang nagdisenyo.

“It's super nice because especially when you have all these madams that appreciate your hard work that acknowledge the detail and the quality of gems and jewels that I've been, you know, really like, I'm very hands-on,” sabi ni Heart.

Si Shuvee Etrata naman, fresh mula sa kaniyang bakasyon at mas lumalim pa ang pagkilala sa kaniyang “TDH” na si Anthony Constantino.

“I've learned a lot [about] their culture, especially Anthony's, so happy ako,” ani Shuvee.

Hindi naman nawala sa oras ni Alden Richards ang cycling kahit abala sa preparasyon ng kaniyang upcoming Kapuso medical drama series na “Code Gray.”

“It's really more about time management. ‘Yung age ko ngayon, I think ito ‘yung tamang moment to seize the moment and take every opportunity that presents itself,” sabi ni Alden.

Present din para makipagdiwang sina First Vice President for Sparkle GMA Artist Center, Joy Marcelo at Sparkle Stars Kyline Alcantara, Cassy Legaspi, Ashley Ortega, Dustin Yu, Bianca King, Michelle Dee, Dennis Trillo, Jennylyn Mercado, Glaiza de Castro at husband niyang si David Rainey, Jillian Ward, at “The Master Cutter” leading lady, Max Collins.

“Gusto ko po kasi ng timeless lang na piece, tailored lang, something simple na comfortable,” sabi ni Jillian.

“I feel so privileged to be here and, you know, to celebrate Independence Day. I'm so excited to see what everyone's wearing,” sabi ni Max.

Kinilala naman ng magazine ang mga kontribusyon nina Barbie Forteza at Bianca Umali para sa industriya ng pelikula.

“Lubos na pasasalamat and gratitude from the bottom of my heart for recognizing my hard work all these years,” sabi ni Barbie.

“I'm just honored to be acknowledged as one of this generation's women in movies. Nandito po ako dahil sa pagmamahal ko para sa sining ng pelikula,” sabi ni Bianca. — Jamil Santos/VBL GMA News