Nagpapagaling ngayon si Kuya Kim Atienza matapos siyang maaksidente sa motorsiklo at mabali ang kaniyang tadiyang.
Sa kaniyang Facebook nitong Huwebes, sinabi ni Kuya Kim na pauwi siya noon galing sa trabaho nang dumaan ang isang malaking aso sa kaniyang dinaraanan kaya siya tumilapon.
"I flew 8 feet over my handlebars hitting the pavement with a thud. I heard a loud crack and knew something was broken," saad ni Kuya Kim.
"As I laid on the street stunned, miracle of miracles, in seconds, a fully staffed ambulance arrived giving me first aid and stopping the cars from running me over."
Sinabi ni Kuya Kim na isang himala namang isang grupo ng mga tauhan mula sa Fire Emergency Paramedic Assistance Group (FEPAG) ang nasa likuran lamang niya at tinulungan siya.
"Thank you Lord for my 4th life!" caption ni Kuya Kim.
Kasalukuyang sumailalim ng pain medication si Kuya Kim at lumiban muna sa trabaho at pagsakay sa motor hanggang sa gumaling ang kaniyang tadyang.
"God loves me so much. I could've broken my spine or banged my head leaving me with graver injuries (or death) but all I have is a broken rib. I could've been run over in the dark if not for the off duty FEPAG boys stopping traffic for me. Thank you for this miracle Lord!" saad niya.
Pinasalamatan din ni Kuya Kim ang lahat ng nagmalasakit sa kaniya, kabilang ang kaniyang asawang si Felicia at anak na si Emman na agad dumating para tulungan siya.
"I have nothing in my heart but Gratitude. Life is good. God is good all the time." — Jamil Santos/BAP, GMA Integrated News
