Bahay ng mayor ng Pangutaran, Sulu, binulabog ng pagsabog

Binulabog ng pagsabog ang bahay ni Pangutaran, Sulu Mayor Asri Taib sa Zamboanga City.

Ayon sa ulat sa "QRT", nangyari ang pagsabog sa labas ng bahay ng alkalde kaninang mag-aalas singko ng umaga.

Wala namang naipaulat na namatay o nasaktan.

Iniimbestigahan pa kung anong uri ng pampasabog ang ginamit.

Ayon sa AFP-Western Mindanao Command, posibleng rido o away ng mga angkan ang motibo sa pagpapasabog.

Pinaigting na rin ang seguridad sa lugar.—NB, GMA News