Sa harap ng mataas na presyo ng mga produktong petrolyo ngayon dahil sa sigalot sa Middle East, mas makatitipid nga bang gumamit ang motorista ng sasakyang de-kuryente (EVs) kahit nagmahal din naman ang singil sa kuryente? Alamin.

Tinanong ng GMA News Online si Carla Buencamino, pinuno ng Mobility Infrastructure ng ACMobility at bise presidente ng Electric Vehicle Association of the Philippines, upang ihambing ang gastos sa “fuel-to-kilometer” na paggamit ng EV kumpara sa tradisyunal na sasakyang may internal combustion engine o ginagamitan ng krudo gaya ng gasolina o diesel.

“The difference right now is striking, and it actually works in the EV's favor, even accounting for the power rate increase,” ayon kay Buencamino.

Bilang halimbawa, sinabi ni Buencamino na ang karaniwang sedan na gumagamit ng gasolina na umaabot ng humigit-kumulang 12 kilometro kada litro ay gumagastos ng nasa P7.50 hanggang P8 bawat kilometro para sa krudo. Batay iyan sa average na presyo ng unleaded gas sa Metro Manila na nasa P95.59 kada litro.

“An EV, say, a BYD Dolphin running at a real-world efficiency of about seven kilometers per kWh (kilowatt-hour) and charged at home at the current Meralco rate of P14.35 per kWh costs approximately P2.05 per kilometer,” paliwanag niya. “That's a roughly 75% saving per kilometer versus a gasoline car.”

Ang ACMobility, ay isang subsidiary ng Ayala Group, na opisyal na distributor ng BYD, isang Chinese multinational manufacturer na gumagawa ng mga full electric at hybrid na sasakyang EVs.

Ayon pa sa opisyal ng EVAP, kahit gumamit ang isang EV driver ng mga pampublikong fast charger—na sinisingil ng Shell Recharge at ACMobility ng P35 kada kWh para sa kanilang DC fast chargers—umaabot pa rin sa humigit-kumulang P5 bawat kilometro ang gastos nito.

“That's still 35%–40% cheaper than gasoline, at current pump prices,” sabi pa ni Buencamino.

Idinagdag din niya na ang “structural advantage” ng EV sa gastos sa paggamit ay hindi nawawala kahit may pagtaas na P0.53 kada kWh sa singil sa kuryente.

“What it does is slightly compress the margin. Home charging remains the most economical way for owners to go about it. Home is where the math is most compelling,” paliwanag niya.

Gayunman, sinabi ni Buencamino na ang pagtaas ng singil sa kuryente ay maaaring bahagyang magpahaba sa “payback period.”

Ang payback period ay tumutukoy sa haba ng panahon bago mabawi ang mas mataas na presyo ng pagbili ng EV sa pamamagitan ng natitipid sa gasolina.

"Because they reduce the daily fuel savings that would otherwise offset the EV's higher purchase price. At P14.35 per kWh versus the P13.82 it was in March, and assuming a typical driver covering 50 kilometers a day charging at home—that's roughly P4 to P5 more per day," ayon kay Buencamino.

“Annualized, that's perhaps P1,500 to P2,000 less in annual savings. On a price premium of, say, P300,000 to P500,000, that's a marginal shift in payback, not a structural disruption,” patuloy niya.

Sa kabila nito, sinabi ni Buencamino na lalo namang nagpapabilis sa pagbawi ng puhunan sa EV dahil sa patuloy na pagtaas ng presyo ng mga produktong petrolyo.

“A driver who previously compared an EV against P65 per liter gasoline is now comparing it against P91 per liter, even after the rollback. That dramatically shortens the payback horizon," saad niya.

"The net effect right now is that the payback period for EVs has actually improved compared to a year ago, despite the power rate increase, because the fuel price shock has been proportionally much larger than the electricity rate increase,” ayo pa kay Buencamino. – Ted Cordero/FRJ GMA News