Nagpasalamat si Dasuri Choi sa mainit na pagtanggap sa kaniya ng mga Pinoy kahit pa pamali-mali siya kung minsan sa "Bubble Gang."
"Of course I love them so much because they always support me. They always give me strength, of course. It's my first time acting sa 'Bubble Gang.' Kahit mali-mali ako, natutuwa sila sa akin," sabi ni Dasuri sa GMA Regional TV Live.
Ayon kay Dasuri, iba ang pagtanggap ng Pinoy audience kumpara sa mga kababayan din niyang mga Koreano.
"And it's very different environment kasi with Korea. Kasi sa Korea, we need to be really perfect pagdating sa mga work and everything. Pero dito, kahit medyo may mistake ako, accept pa rin sila," saad ni Dasuri.
Mapapanood na ang 27th anniversary special ng Bubble Gang ngayong Biyernes sa GMA Network.--Jamil Santos/FRJ, GMA Integrated News