Puspusan na ang taping sa bagong tutukang Kapuso mythical primetime megaserye na "Mga Lihim ni Urduja." Matapos ilabas ang una nitong teaser, silipin naman ang ilang behind-the-scenes sa video.
Ang star-studded na “Mga Lihim ni Urduja” ay kinabibilangan nina Sanya Lopez, ang warrior princess, ang policewoman na si Kylie Padilla, at si Gabbi Garcia bilang si Crystal.
Kasama rin sina Gina Pareno, Zoren Legaspi, Michelle Dee, Pancho Magno, Vin Abrenica, Kristoffer Martin, Ara San Agustin at ang nagbabalik-Kapuso na si Sunshine Dizon.
Mapapanood ang “Mga Lihim ni Urduja” sa GMA Telebabad ngayong Pebrero.--FRJ, GMA Integrated News