Dahil hiwalay ang mga magulang, aminado si Rhian Ramos na hindi siya naniniwala sa kasal pero nagbago ito dahil sa nobyo niyang si Sam Verzosa.
Sa episode ng "Fast Talk With Boy Abunda," sinabi ni Rhian na dahil sa nangyari sa pagsasama ng kaniyang mga magulang, tumanim sa isip niya na wala talagang nagsasama nang forever.
"So parang for a long time, naiisip ko na nothing talaga lasts forever. But, ayun, and then parang later on naman, 'yung how I made sense of that. Minsan kasi may naiisip ka as a child, tapos habang while you're growing up, parang jina-justify mo nang jina-justify kung ba't 'yun 'yung pinaniniwalaan mo," paliwanag ni Rhian.
"And so, I just felt like masyado siyang asking too much na to have just that for the rest of your life," patuloy niya.
Pero nagbago raw ang pananaw niya tungkol dito dahil kay Sam na nais niyang laging kasama at kausap.
"Siguro kung iniisip ko before na nothing lasts forever and it's asking for too much to just have that one person for the rest of your life. Siguro kasi now naiisip ko and the more I get to know him, [Sam] talagang every day I learn something new, I experience something new, and I'm never ever bored because kakaiba eh. I've never met anyone talaga like this," patuloy ng aktres.
"Sometimes I see him in so many different ways. Sometimes I see him as this man that is more mature than me, that can teach me things. Sometimes I see him as this little baby that I want to squeeze and take care of. Parang ganun. So, I see him in so many different ways. It's never the same," sabi pa ni Rhian.
Inilarawan ni Rhian na very equal ang partnership nila ni Sam, at binibigyan siya nito ng "so much respect and trust."
"And ayun nga, parang for me also I've noticed na I've become a better, more mature person. More patient. But ayun, parang I can see myself really taking care of this partnership and doing life with this person," pahayag niya.
Taong 2022 nang kumpirmahin nina Rhian at Sam ang kanilang relasyon nang dumalo sila sa GMA Gala na magkahawak ng kamay.
Nakatakdang bumida si Rhian sa upcoming movie na "Sinagtala," kasama sina Glaiza De Castro, Matt Lozano, Rayver Cruz, at Arci Muñoz.
Ipalalabas ang "Sinagtala" sa mga sinehan simula sa April 2. —FRJ, GMA Integrated News
