Binaril at napatay ang isang nominee ng Ang Bumbero ng Pilipinas Partylist ng mga salaring sakay ng motorsiklo sa Sampaloc, Manila ngayong Lunes ng hapon.
Sa ulat ni Christian Maño’s sa Super Radyo dzBB, kinilala ang biktima na si Leninsky Bacud, dating barangay chairman. Isinugod siya sa ospital pero binawian din ng buhay.
UPDATE: Nominee ng ABP Partlist na si Leninsky Bacud, pumanaw na sa ospital matapos tambangan ng hindi pa tukoy na mga suspek sa P. Guevarra St., Brgy. 435 sa Maynila | @dzbb @gmanews https://t.co/HjPVuCPT8x pic.twitter.com/aFKmfspj58
— Christian Maño (@xtian_mano) April 28, 2025
Nangyari ang pamamaril sa P. Guevarra Street sa Barangay 435, Zone 44 sa Sampaloc, bago mag-6:00 pm.
FLASH REPORT: Dating chairman at nominee ng Ang Bumbero ng Pilipinas party-list na si Leninsky Bacud, tinambangan ng mga suspek na lulan ng motorsiklo sa bahagi ng Brgy. 435 Zone 44 sa Sampaloc, Maynila. | via @xtian_mano pic.twitter.com/35rxL8TvjR
— DZBB Super Radyo (@dzbb) April 28, 2025
May nakaengkuwentro rin umanong pulis na residente sa lugar ang mga salarin, at ilang sasakyan ang tinamaan ng bala.
Iniimbestigahan na ng Manila Police District’s homicide division ang insidente. — FRJ, GMA Integrated News
