Top 15 contractors na nakakuha ng pinakamaraming flood control projects, inilabas ni Marcos

Inilantad ni Pangulong Ferdinand ''Bongbong'' Marcos Jr. ngayong Lunes ang 15 kontratista na nakakuha ng 20% sa kabuuan ng P545 bilyong pondo ng control projects.

''This is another disturbing assessment, statistic: 20% of the entire P545 billion budget napunta lang sa 15 na contractor,” ayon kay Marcos sa isang press conference kasabay ng paglulunad ng website tungkol sa flood control projects. 

“Sa 15 na contractor na ‘yan, lima sa kanila ay may kontrata sa buong Pilipinas. Keep going. Ayan. Ito na ‘yung listahan,'' patuloy niya. ''And this is what I was talking about. Five of these 15 contracts have projects in almost all regions nationwide.''

Ang 15 kontratista ay ang: 

1. Legacy Construction Corporation
2. Alpha & Omega Gen. Contractor & Development Corp.
3. St. Timothy Construction Corporation
4. QM Builders
5. EGB Construction Corporation
6. Topnotch Catalyst Builders Inc.
7. Centerways Construction and Development Inc.
8. Sunwest, Inc.
9. Hi-Tone Construction & Development Corp.
10. Triple 8 Construction & Supply, Inc.
11. Royal Crown Monarch Construction & Supplies Corp.
12. Wawao Builders
13. MG Samidan Construction
14. L.R. Tiqui Builders, Inc.
15. Road Edge Trading & Development Services

Ayon kay Marcos, ang limang kontratista na may proyekto sa lahat ng rehiyon ng bansa ay ang Legacy Construction Corporation, Alpha & Omega Gen. Contractor & Development Corp., St. Timothy Construction Corporation, EGB Construction Corporation, at Road Edge Trading & Development Services. 

Nang tanungin kung may kaugnayan ang mga kontratista sa mga nakaupong opisyal sa pamahalaan, sinabi ni Marcos na inaalam pa nila ito ngayon.

''We will still go through every single one. And we still have to see what really is – what really is credible and what needs to be acted upon'' sabi ng pangulo.

BASAHIN: Marcos, dismayado sa flood control projects: Marami ang palpak, ang iba, guni-guni lang

Sa nakaraang State of the Nation Address ni Marcos, nangako ang pangulo na hahabulin niya ang mga nasa likod ng maanomalyang flood control projects bunga na rin ng matinding pagbaha na naranasan sa Metro Manila at iba pang lalawigan nitong nagdaang mga bagyo at Habagat.— mula sa ulat ni Anna Felicia Bajo/FRJ GMA Integrated News