Papalayo na ang Super Typhoon na “Nando” mula sa Babuyan Islands matapos itong mag-landfall at hagupitin ang Panuitan Island sa Calayan, Cagayan, ayon sa state weather bureau na PAGASA ngayong Lunes.

Dakong 4:00 p.m., namataan ang sentro ng bagyo sa baybaying-dagat ng Calayan Island sa Calayan, Cagayan. Kumikilos ito pakanluran sa bilis na 25 kilometro bawat oras.

Napanatili ni Nando ang lakas nito na may pinakamalakas na hangin na umaabot sa 215 kilometro bawat oras malapit sa gitna, at pagbugso ng hangin na hanggang 295 kilometro bawat oras.

Nananatiling nakataas ang Tropical Cyclone Wind Signal (TCWS) No. 5 sa Babuyan Islands.

Signal No. 4 naman sa:

  •     Southern portion ng Batanes (Basco, Mahatao, Ivana, Uyugan, Sabtang)
  •     Northern portion ng mainland Cagayan (Santa Ana, Santa Praxedes, Claveria, Sanchez-Mira, Pamplona, Abulug, Ballesteros, Aparri, Buguey, Santa Teresita, Gonzaga, Camalaniugan)
  •     Northern portion ng Ilocos Norte (Pagudpud, Burgos, Bangui, Dumalneg, Adams)
  • Signal No. 3 sa:
  •     Rest of Batanes, central portion ng mainland Cagayan (Lal-Lo, Gattaran, Baggao, Alcala, Santo Niño, Lasam, Allacapan, Rizal, Amulung, Piat)
  •     Northern at central portions ng Apayao (Flora, Santa Marcela, Pudtol, Luna, Calanasan, Kabugao)
  •     Rest of Ilocos Norte

Signal No. 2 sa:

  •    Rest of mainland Cagayan
  •     Isabela
  •     The rest of Apayao
  •     Abra
  •     Kalinga
  •     Mountain Province
  •     Ifugao
  •     Northern portion ng Benguet (Mankayan, Buguias, Bakun, Kibungan)
  •     Northeastern portion ng Nueva Vizcaya (Diadi)
  •     Ilocos Sur
  •     Northern portion ng La Union (Sudipen, Bangar, Luna, Balaoan, Santol)

Signal No. 1 sa: 

  •     Quirino
  •     Rest of Nueva Vizcaya
  •     Rest of Benguet
  •     Rest of La Union
  •     Pangasinan
  •     Aurora
  •     Nueva Ecija
  •     Bulacan
  •     Tarlac
  •     Pampanga
  •     Zambales
  •     Northern portion ng Quezon (General Nakar) pati ng Polillo Islands

Ayon sa PAGASA, palabas na si Nando mula sa Babuyan Islands ngayong Lunes ng gabi at inaasahang lalabas sa Philippine Area of Responsibility (PAR) sa Martes ng umaga, Setyembre 23.

“NANDO is at its peak intensity, although slight intensification is still not ruled out. Nevertheless, the super typhoon is forecast to begin weakening within the next 24 hours due to marginally favorable environment that it will encounter over the West Philippine Sea,” saad ng state weather bureau sa abiso.

Inihayag din ng PAGASA sa kanilang heavy rainfall outlook, na posibleng magdala si Nando ng mahigit 200 millimeters ng ulan sa Ilocos Norte, Ilocos Sur, La Union, at Benguet hanggang Martes ng hapon.

Maaari ding makaranas ng 50 hanggang 100 mm ng ulan ang Batanes, Cagayan, Apayao, at Abra. Samantalang ang Pangasinan at Zambales ay maaaring makaranas ng 50 hanggang 100 mm ng ulan hanggang Martes ng hapon. —FRJ GMA Integrated News