Muling magkakasagupa sina Manny Pacquiao at Floyd Mayweather sa isang professional fight sa Sphere sa Las Vegas sa darating na Setyembre, batay sa anunsyo ng Netflix nitong Lunes.

Ang laban ng dalawang pinakamalalaking pangalan sa isport, na unang nagharap sa ibabaw ng ring noong 2015, ay inihayag ilang araw matapos sabihin ng 48-anyos na si Mayweather na muli siyang magbabalik sa boxing at ipapalabas ang laban nang live sa Netflix.

Ito na ang ika-apat na pagbabalik ni Mayweather sa laban mula sa mga nauna niyang pagreretiro noong 2007, 2015 at 2017.

Sinabi naman ng 47-anyos na si Pacquaio sa kanilang joint statement na, "Floyd and I gave the world what remains the biggest fight in boxing history. The fans have waited long enough—they deserve this rematch." — mula sa ulat ng Agence France Presse/FRJ GMA Integrated News