Malacañang: Half-day na WFH ang mga kawani ng gobyerno sa Miyerlules Santo; wala nang pasok sa hapon

Inihayag ng Malacañang ngayong Martes na half-day na work-from-home (WFH) ang mga empleyado ng gobyerno sa Miyerkules, Abril 1, 2026, bilang bahagi ng paggunita ng Semana Santa.

Ayon kay Palace Press Officer Undersecretary Atty. Claire Castro, ang WFH ay magsisimula mula 8:00 a.m. hanggang 12:00 ng tanghali.

Pagkaraan nito, suspendido na ang pasok sa hapon.

"However, agencies whose functions involve the delivery of basic and health services, preparedness/response to disasters and calamities, and/or the performance of other vital services shall continue with their operations under usual working arrangements and render the necessary services," saad ng Palasyo tungkol sa Memorandum Circular 116.

Ayon kay Castro, malaya naman ang mga pribadong sektor na magpasya kung ipapatupad o hindi ang pagsuspendi rin sa trabaho ng kanilang mga kawani.— Anna Felicia Bajo/FRJ GMA News