Papasok na rin sa showbiz si Claire Castro, ang anak nina Raven Villanueva at Diego Castro na mga lumabas noon sa GMA shows na "T.G.I.S." at "Growing Up."

Labing-walong taong gulang na ngayon, ikinuwento ni Claire na nag-theater na siya noong pito o walong taong gulang pa lamang siya.

"Yes, definitely. I love acting ever since I was young. Me and my sister would like to play acting doon sa house namin," saad ni Claire nang makapanayam ng GMA reporters sa kaniyang contract signing sa GMA Network nitong Martes.

 

 

"Growing up, I was into theater."

Kasama ni Claire na pumira ang kaniyang amang si Diego at si Simoun Ferrer, GMA Artist Center AVP for Talent Imaging and Marketing.

"Reuter baby kasi siya, like me also. Pero ang maganda doon, she did it on her own. I mean I never got her into anything. Siguro na-expose siya. And then nag-Thirty Days kami before, doon niya nagustuhan 'yung working behind the cameras," saad ni Diego.

Nagsimula rin si Diego sa theater sa Fr. James B. Reuter productions.

Tinanong si Claire kung ano ang kaniyang dream role. "Drama, definitely drama. I think I'm better at drama."

"I excel in drama. Crying is my specialty," dagdag pa ni Claire.

Dahil lumalabas na rin sa Kapuso shows ang kaniyang ama, Kapuso na ang napili niyang network para sa kaniyang showbiz career. "Ever since I was a kid, I was Kapuso."

Aminado si Claire na kinakabahan siya sa kaniyang pagsalang sa showbiz, ngunit handa siyang harapin ang mga challenges. "I'm kinda nervous but I'm more excited."

Natanong din si Claire kung sinong Kapuso star ang gusto niyang makatrabaho: "Gabbi Garcia, definitely... I like how she acts."

May advice naman ang ama niyang si Diego sa kaniya.

"Very little kasi on her own, alam na niya eh. She's exposed already bata pa lang. Pero the best tip that I gave her was humility. Kasi no matter how good you are of an actor or how pretty you are, kung wala kang humility, babagsak ka nang mabilis."

Inihayag naman ni Diego ang tiwala niya sa Kapuso network.

"That's up to GMA na. Of course we trust them fully. Because I've been with GMA since 1998 na rin, and I've always trusted them, and it has always worked wonders for me. So I think you should do the same also, on her part."

Napanood noon si Diego sa Growing Up (1997), Kasalanan Bang Ibigin Ka? (2012), The Borrowed Wife (2014), Strawberry Lane (2014), at guestings sa Magpakailanman (2015) at Maynila (2016).

"Because I remember when I was a kid, not so young, I was on the other end. And now looking at it from a different perspective, I have to take a step back and I guess it's her turn to shine. Siyempre I know how difficult showbiz is, it's very difficult," pagpapatuloy pa ni Diego.

Para kay Diego, trabaho niya ngayong protektahan sa "stress" ang kaniyang anak.

"The acting is wonderful, it's fun, the puyat is fun. You see yourself on TV, you make money, it's a wonderful job. Pero the stress of the job, that's my role. GMA is there to guide her sa mga career steps, necessary workshops but to make sure she stays grounded and sane in this industry? I think that is where I come in," saad ni Diego.

Pagsasabayin naman ni Claire ang showbiz at homeschooling. "I think it would be but then education is also important."

Kung handa naman siyang i-balance ang kaniyang oras, "Yes, I'm ready." — LA, GMA News