Lingid sa kaalaman ng marami, apo ng mga bayaning sina Dr. Jose Rizal at General Miguel Malvar si Kapuso star Therese Malvar. Alamin kung paano ito nangyari.
"Nasa libro po kami ng family tree ng both Malvar and Rizal. Paano, mahirap itong i-explain. Actually pang-teleserye rin 'yung bloodline or family tree ng Rizal and Malvar," kuwento ni Therese sa "Conversations" ng GMA News Online.
"'Yung anak ni General Miguel Malvar at 'yung one of the sisters of Rizal, naging sila... And then 'yon. 'Yun 'yung connection... Basta tito ko si... technically parang great, great tito ko si Jose Rizal, and then great, great lolo ko si General Miguel Malvar po," paglalahad pa ni Therese.
Samantala, bilang artista, umaasa si Therese na maihahatid niya ang mensahe ng bawat karakter na kaniyang ginagampanan.
"I think lahat naman po tayo, as a story teller of both film and TV, it's our mission for us to let the audience feel our character, not because of the story but because of what the character wants. 'Yung advocacy niya, 'yung views niya, opinions niya," paliwanag ng aktres.
"At bilang story teller, kami rin 'yung boses ng mga unsung, those victims that cannot, you know, their voices aren't heard, and stories that are too harsh usually and 'yun nga, na mapamulat 'yung mga audience sa mga issues na hindi nata-tackle," patuloy niya.
Kamakailan lamang, nanalo si Therese bilang Indie Film Actress of the Year ng Laguna Excellence Awards.
Binigyan din siya ng award bilang Best Supporting Actress ng 17th Gawad Tanglaw Awards sa pelikulang School Service.
Bago nito, marami na rin siyang napanalunang awards.
Gumaganap si Therese bilang ang kontrabidang si Ariela sa "Inagaw Na Bituin" kasama si Kyline Alcantara.-- FRJ, GMA News
