Alfonso Martinez, sinariwa ang mga huling sandali ng kaniyang lola Amalia Fuentes

Sa pagpanaw ng veteran actress na si Amalia Fuentes, 79-anyos, iniisip na lang ni Alfonso Martinez na tapos na ang paghihirap ng kaniyang lola, na-stroke habang nagbabakasyon noong Oktubre 2015 sa South Korea.

Naratay sa higaan ang legendary actress at movie queen, hanggang pumanaw ito noong Oktubre 5, Sabado ng madaling-araw.

“It’s been four years, you know, she’s been fighting for four years,” pagbuntong-hininga ni Alfonso nang makausap ng PEP.ph (Philippine Entertainment Portal) sa lamay ng kanyang lola nitong Oktubre 6, Linggo ng gabi, sa Mt. Carmel Church, Broadway St., Quezon City.

“So, I’m just happy now that she’s with Lolo Bobby, Tito Joey, my mom, Tito Cheng.

“She won’t suffer anymore. I’m glad na rin.”

Ang mga nabanggit na pangalan ni Alfonso ay nagsipanaw na rin.

Sina Romeo "Bobby" Vasquez at Joey Stevens ang mga naging asawa ni Amalia; ang ina ni Alfonso na si Liezl Sumilang Martinez, na nag-iisang anak nina Amalia at Bobby; at si Cheng Muhlach ang ama ni Aga Muhlach.

Kumusta ang last few days ni Amalia?

“It’s difficult pero... it’s life,” pakli ni Alfonso.

Mula nang ma-stroke si Amalia, hindi na ito nakapagsalita nang maayos. Paungul-ungol ito, at mainly eye contact ang kanilang komunikasyon.

Nagkakaintindihan sila, at naipadama ni Amalia kapag masaya siya.

“It’s more on touch and holding.

"Kasi, I’m the one who spends time with her... I lived with her in her house in New Manila.

"I was taking care of her," paliwanag ni Alfonso.

Sinu-sinong kapamilya ang kasama ni Amalia nang mamatay siya?

“Me, sina Tito Alex [Muhlach], my sister, my relatives... she was medyo... when her health was, I don’t want to say it, medyo alanganin na... of course, I called them,” malumanay na kuwento ni Alfonso.

“She had her final... I don’t know how you call it, is it final absolution? So, I called Fr. Arman.

“So, yeah, at least her family was there. We’re all together.”

Naresolba ba ang mga alitan sa pamilya bago pumanaw ang kanyang lola?

Tugon ni Alfonso, “Of course. Of course. We’re all OK na. --For the full story, visit PEP.ph