Sa edad na 50, nanatiling fit and fabulous ang Kapuso star na si Alice Dixson tulad ni Jennifer Lopez. Ano nga ba ang kaniyang sikreto? Alamin.
Kamakailan lang, marami ang humanga sa ipinakitang larawan at video ni J.Lo na magpapakita kung gaano kaganda pa rin ang kaniyang pangangatawan kahit 50 anyos na siya.
Sa Chika Minute report ni Aubrey Carampel sa GMA News "24 Oras" nitong Huwebes, sinabing kung J.Lo ang Amerika, may Alice Dixon naman ang Pilipinas na hindi pakakabog sa timeless beauty at kaseksihan.
Kamakailan lang, umani ng more than a million views ang kaniyang video sa Youtube nang puntahan niya ang New Clark City na pinagdausan ng SEA Games.
Dito ay hindi lang ang bagong pasilidad ang kaniyang ipinamalas kung hindi maging ang kaniyang swimming skills.
Nang tanungin si Alice kung ano ang sikreto ng kaniyang youthful look, tugon niya, "I exercise at least twice a week, I go out a lot with my dog, I bicycle with her, we walk a lot. Tapos I also try to eat healthy, plant-based diet pero I'm not a vegetarian."
Dapat daw ay in moderation pagdating sa pagkain at ma-aachieve ang pagiging "fitspiration" with the right attitude and discipline.
"It's just a mindset when you wake up in the morning you know that you know you have to have at least one activity na pagpapawisan ka or something that you enjoy doing," payo niya.-- FRJ, GMA News
