Kabilang ang mga Kapuso star na sina Sanya Lopez, Heart Evangelista, Kyline Alcantara, at Sofia Pablo sa mga most famous local celebrity ng TikTok Philippines ngayong taon.
Ayon sa ulat ni Nelson Canlas sa GMA News "24 Oras," pangalawa si Sanya sa most popular celebrity sa TikTok Philippines na mayroong mahigit 6.2 million followers at 36.3 million likes.
Nakatakdang pagbidahan ni Sanya MA-7's upcoming rom-com series "First Yaya," katambal si Gabby Concepcion.
Samantala, ikaapat naman sa listahan si Sofia Pablo sa TikTok's Most Popular Celebrity list na may 5.1 million followers at 27.8 million likes.
Nasa ika-siyam na puwesto si Heart Evangelista, na may 3.8 million followers at 18.4 million likes, at sumunod sa kaniya si Kyline Alcantara na may 4 million followers at 19.2 million likes. — FRJ, GMA News
