Golden Cañedo, graduate na ng senior high school na may kasamang honors

Nakapagtapos na si "The Clash" Season 1 champion Golden Cañedo sa senior high school, at may kasama pa siyang honors.

Sa kaniyang Instagram, ibinahagi ni Golden ang kaniyang portrait na suot ang toga at graduation cap, matapos magtapos sa Accountancy Business and Management Strand.

Bukod dito, with honors din ang kaniyang pagtatapos nang gawaran siya ng Don Geronimo Sisracon Sr. Performing Arts Award.

"Today is a milestone. It tells you how far you've come. Keep Learning, Keep Trying, Keep accomplishing, and Keep venturing on through your journey," caption ng Kapuso singer.

"Thanks God for everything! To my family. Mama and Papa I love you!" pasasalamat ni Golden.

"It's time for the Next Chapter," saad pa niya. – Jamil Santos/RC, GMA News