Si Carla Abellana sana ang sasalang sa episode ng "Fast Talk with Boy Abunda" nitong Miyerkules pero hindi natuloy. Sa halip, sina Gil Cuerva at Joaquin Domagoso ang naging bisita ng King of Talk.
Sa segment na "Today's Talk" sa "Fast Talk with Boy Abunda" nitong Huwebes, sinabi ni Tito Boy na hindi natuloy ang pagsalang ni Carla dahil walang kasamang abogado ang aktres.
"Nag-request po ako na sana'y kasama ni Carla ang kaniyang abogado dahil mayroon legal na demensiyon ang aming pag-uusap," pahayag ng batikang TV host.
"Maganda ang aming pag-uusap tapos...hindi lang nagkatagpo po ang schedule ng abogado sa ating show. Kaya minabuti natin na, mutually agreed na i-move natin ang interview kay Carla next week," sabi pa ni Tito Boy.
"Kaya abangan niyo po 'yan ang aming pag-uusap kasama si Carla Abellana," dagdag niya.
Bago nito, naglabas din ng pahayag ang programa tungkol sa hindi natuloy na guesting ni Carla.
"Our dear Kapuso,
This is to inform all of you that due to unexpected scheduling conflict, the interview of Carla Abellana with Boy Abunda in Fast Talk with Boy Abunda is rescheduled next week.
We apologize to everyone who is looking forward to this interview. The management of Carla Abellana and the program have already reached an agreement on the new schedule and such will be announced soon.
For the episode today, February 8, Fast Talk with Boy Abunda will have Gil Cuerva and Joaquin Domagoso as special guests.
Thank you for understanding and your continued support to our program.”
--FRJ, GMA Integrated News
