Nagbabalik sa pagiging direktor si Johnny Manahan o "Mr. M" matapos ang apat na taon para sa “The Voice Generations Philippines.”
“It’s been three years, four years maybe na hindi ako humahawak ng any kind of TV show or movie, so when the opportunity presented itself, happiness. Salamat!” sabi ni Mr. M. sa Chika Minute report ni Nelson Canlas sa 24 Oras Weekend nitong Sabado.
Para kay Mr. M, big reveal sa kaniya ang hosting skills ni Dingdong Dantes, na unang beses niyang na-direk sa isang TV show.
“I knew Dong to be a really fine actor. Sinusundan ko ‘yung mga teleserye niya. Ako naman ang nagulat. I think he’s one of the finest hosts that you could have nowadays,” sabi ni Mr. M.
Pinuri rin ni Mr. M ang The Voice Generations coaches na sina Chito Miranda, Billy Crawford at Julie Anne San Jose.
Ngunit mas ikinagulat pa ni Mr. M si Stell ng SB19, na unang beses niyang ma-meet sa show.
“‘Yung presence niya, presence lang eh, talbog na ako eh. Wala na akong masabi, wala na akong mapintas. And kapag kumanta siya, ‘yung paggalaw niya, that’s a star,” sabi ni Mr. M. — Jamil Santos/VBL, GMA Integrated News
