Althea Ablan, may kinumpirma tungkol sa kanila ni Prince Clemente

Kapansin-pansin ang closeness nina Althea Ablan at Prince Clemente. Ang young Sparkle actress, may kinumpirma.

Sa episode ng "Fast Talk with Boy Abunda" nitong Martes, tinanong si Althea tungkol sa tunay na estado ng relasyon nila ni Prince.

"Are you officially together, you and Prince Clemente?," tanong ni Tito Boy kay Althea.

"Yes," sagot ng aktres.

"I know naman, nakikita naman sa public," dagdag niya.

Kamakailan lang, nagbakasyon sina Atlhea at Prince sa Siargao.

Nitong nakaraang taon, nagtapos si Althea mula sa senior high school sa Don Bosco High School sa Parañaque.

Napanood si Althea sa "AraBella," "Prima Donnas," "Mano Po Legacy: The Flower Sisters," at "Encantadia."

Kasama naman si Prince sa GMA Prime series na "Black Rider." Napanood din siya sa mga dating teleserye na "Descendants of the Sun," "Ika-5 Utos," "The Better Woman," "The Lost Recipe," at "Daddy's Gurl."—FRJ, GMA Integrated News