Proud parents sina Richard Gomez at Lucy Torres sa kanilang anak na si Juliana na nagtapos na cum laude mula sa University of the Philippines.
Nagtapos sa kursong Public Administration si Juliana sa UP Diliman.
Sa Instagram Reel ni Richard na kongresista ngayon ng Leyte, makikita si Juliana sa graduation ceremony na suot ang traditional terno, may UP Sablay at medalya.
“I vividly remember your first day in school as a young child. I drove you to your school near the house, you were in a white shirt and jeans in rubber shoes,” saad ni Richard sa caption.
“Look at you now all grown up and a college graduate in Public Administration at the UP Diliman and a Cum Laude,” sabi pa ng aktor.
Inihayag din ni Richard sa anak kung gaano sila ka-proud ni Lucy.
“Mom was in tears going up the stage. My eyes were in tears too when I went back to my seat as things sank into my head and realized how time flies so fast,” ayon kay Richard.
Mensahe niya sa anak: “Go on and make things better and beautiful.”
Isa ring fencing athlete si Juliana na nanalo ng gold medal sa UAAP tournament noong nakaraang Marso.
Sumabak din siya sa kompetisyon sa Thailand at Indonesia. —FRJ, GMA Integrated News
