'Anora,' panalong best picture sa Academy Awards; bidang si Mikey Madison ang best actress

Ang "Anora" na kuwento ng isang sex worker na nabigyan ng bagong buhay nang makapag-asawa ng mayamang kliyente ang itinanghal na best picture sa Academy Awards, o Oscars 2025 nitong Linggo.

Ang bida nito na si Mikey Madison, 25-anyos, ang nagwaging best actress. Habang best director si Sean Baker, na siyang direktor ng pelikula.

Samantalang nakamit ni Adrien Brody ang kaniyang ikalawang Academy Award, matapos na itanghal na best actor para sa kaniyang role na isang Jewish immigrant at architect na inabot ang American dream sa pelikulang "The Brutalist."

Si Zoe Saldana ang nagwaging best supporting actress para sa kaniyang pagganap bilang fixer sa Mexican drug lord sa Spanish-language Netflix NFLX.O musical na "Emilia Perez."

Si Kieran Culkin, ang itinanghal na best supporting actor para naman sa pelikulang "A Real Pain."

Nakamit din ng pelikulang “Anora” ang parangal bilang Best Film Editing, at Best Original Screenplay.

Narito ang kompletong listahan ng mga nagwagi:

Best Actor in a Supporting Role: Kieran Culkin, “A Real Pain”

Best Costume Design:  Paul Tazewell, “Wicked”

Best Makeup and Hairstyling: Pierre-Oliver Persin, Stephanie Guillon, at Marilyne Scarselli, “The Substance”

Best Original Score: Daniel Bloomberg, “The Brutalist”

Best Live Action Short Film:  Victoria Warmerdam at Trent, “I’m Not a Robot”

Best Animated Short Film: Shirin Sohani and Hossein Molayemi,  “In the Shadow of the Cypress”

Best Adapted Screenplay: Peter Straughan, “Conclave”

Best Original Screenplay:  Sean Baker, “Anora”

Best Original Song: Clement Ducol, Camille, at Jacques Audiard, “El Mal”,“Emilia Pérez”

Best Documentary Feature Film:  Basel Adra, Rachel Szor, Hamdan Ballal, at Yuval Abraham, “No Other Land”

Best Documentary Short Film:  Mario O’Brien at Lisa Remington, “The Only Girl in the Orchestra”

Best International Feature Film: “I’m Still Here” from Brazil

Best Animated Feature Film:  “Flow”

Best Production Design: “Wicked”

Best Sound: “Dune: Part Two”

Best Visual Effects:  “Dune: Part Two”

Best Cinematography: “The Brutalist”

— FRJ, GMA Integrated News