Dahil kambal na basketball player na sina Anthony at David Semerad ang asawa nina Sam Pinto at Gwen Zamora, may pagkakataon kayang malito ang mga aktres?

"There's only one time. Kasi birthday ko ata 'yun sa condo nila. Nag-party tayo. And then David was looking out the window," sabi ni Sam habang kasama si Gwen bilang guests sa "Fast Talk with Boy Abunda nitong Huwebes.

"So, hinawakan ko 'yung hand niya. Tapos [paglingon] ko, 'Ay!' Iba pala siya!" natatawang kuwento ni Sam.

"Wala, hawak niya din kamay ko, tapos nakatingin lang siya. 'Ahh...'" sabi pa ni Sam. "Okay. Wrong person, okay, bye!"

Si Gwen naman, sinabing mahilig sumakay sa pagkalito ng mga tao ang kambal nilang mister.

"The thing is, they play along with it. They love it when people confuse them. So, they will just ride along with the joke. And then people at the gym room are like, 'Wait, didn't I just see you?'" ayon kay Gwen.

Inalala rin ni Gwen kung paano siya humingi ng tulong noon kay Sam, na dini-date na noon si Anthony, para makalapit kay David.

"And then I found out she (Sam) was dating Anthony. I was like, 'Hey, hook me up with David. Because I liked his personality,'" kuwento ni Gwen.

Ayon kay Gwen, tumanggi pa noong una si Sam sa kaniyang hiling.

"And then, she was like, 'No, he always has girls over. You don't want that,'” kuwento ni Gwen.

“I was protecting her kasi naman I don't want you to be one of the girls. But you became the one,” sabi naman ni Sam.

“So I messaged him, ‘Hey, I'm a three-minute walk away if you need a hug,'" pag-alala ni Gwen na mensahe niya noon kay David.

"Literally a three minute kiss and a hug," sabi pa niya.

"Sumagot siya the next day, 'I'll come over.' I'm like, 'I can't, I'm in Tagaytay.' So I went back the next day and I never left,” kuwento ni Gwen.

Na-engaged sina Gwen at David noong Mayo 2019, at ikinasal sa France noong Pebrero 2021. May dalawa na silang anak na sina Cooper John at Amber Mae Su.

Na-engaged naman sina Sam at Anthony Nobyembre 2019, at ikinasal noong Marso 2021. May isa silang anak, na si Mia Aya.

Dating magkasama sa "Bubble Gang" gag show  sina Sam at Gwen. -- FRJ, GMA Integrated News