Pumanaw sa edad na 44 ang "Drag Race Philippines" resident judge na si Jiggly Caliente.
Sa Instagram post nitong Linggo, inihayag ng pamilya ni Jiggly na pumanaw siya "peacefully on April 27, 2025, at 4:42 am, surrounded by her loving family and close friends."
Sa isang pahayag, inilarawan ng kaniyang pamilya si Jiggly, o Bianca Castro sa totoong buhay, bilang isang taong kinilala at hinangaan dahil sa kaniyang makahahawang sigla, matalino, at pagiging totoo sa mundo ng showbiz at sa adbokasiya.
"She touched countless lives through her artistry, activism, and the genuine connection she fostered with fans around the world. Her legacy is one of love, courage, and light. Though her physical presence is gone, the joy she shared and the space she helped create for so many will remain forever," saad nito. "She will be deeply missed, always loved, and eternally remembered."
Bago nito, inihayag ng pamilya ni Jiggly na hindi siya makakasama sa upcoming season ng programa o sa anumang public engagements indefinitely dahil sa "serious health setback."
Kabilang si Jiggly sa mga hurado ng tatlong season ng "Drag Race Philippines." Sumabak siya sa Season 4 ng "RuPaul's Drag Race" at Season 6 ng "RuPaul's Drag Race All-Stars." — mula sa ulat ni Jade Veronique Yap/FRJ, GMA Integrated News
