Pumanaw na ang batikang aktor at direktor na si Ricky Davao, 63-anyos, dahil sa karamdaman.
Kinumpirma ng anak ni Ricky sa social media post na si Ara Davao ang malungkot na balita nitong Biyernes.
"It is with great sadness that we announce the passing of our beloved father, Ricky Davao. He passed away peacefully, surrounded by his children and loved ones, after bravely facing complications related to cancer," saad ni Ara sa post.
"For more than four decades, he dedicated his life to the craft of acting and directing. His remarkable body of work and award-winning performances have left a lasting legacy that will continue to inspire. Most of all he was a loving father, brother, son, and friend," patuloy.
"We are deeply grateful for your prayers, love, and kind messages during this difficult time. Details about his memorial service will be shared soon," saad pa ni Ara sa post.
Si Ricky ay dating asawa ng aktres na si Jackie Lou Blanco, at mayroon silang tatlong anak na sina Ara, Kenneth, at Rikki Mae.
Kapatid siya ng aktor na si Bing Davao, at anak ni Charlie Davao.
Kabilang sa mga pelikula na nagawa ni Ricky ang “Abot Hanggang Sukdulan,” “Saranggola,” at “Ipaglaban Mo The Movie,” kung saan nakatanggap sila ng mga parangal mula sa FAMAS, Gawad Urian, at Metro Manila Film Festival.
Naging aktibo rin siya sa paggawa ng mga proyekto sa telebisyon, kabilang ang 2023 GMA series na "Love Before Sunrise," na muli silang nagkasama ni Jackie Lou, at pinagbidahan nina Bea Alonzo at Dennis Trillo.
Sa isang panayam noong 2023 ng Fast Talk with Boy Abunda, inihayag ni Ricky na kahit matagal na siya sa industriya ay kinakabahan pa rin siya kapag mag-isa lang siyang ini-interview.
-- FRJ, GMA Integrated News
