Inilahad ni Kyline Alcantara na pinili niyang hindi magsalita noon tungkol sa breakup nila ni Kobe Paras dahil nananatili ang kaniyang respeto sa binata.

"Kaya hindi po ako nagsalita, kasi I still have respect for him as a person despite everything that happened. And sa lahat naman po ng mga tao na nasaktan ako, I will always show them grace,” sabi ni Kyline sa kaniyang guesting sa "Fast Talk with Boy Abunda" nitong Biyernes.

Sa kabila ng breakup, sinabi ni Kyline na may maganda naman silang pinagsamahan nina Kobe. Gayunman, sadyang magkaiba silang tao.

“It was a beautiful experience. I felt really happy. I felt really loved. It's just that we're two different people. And that's okay. And that is okay. I've learned a lot of lessons in that relationship. And I will always treasure every experience or achievements po na nagawa namin dalawa,” saad niya.

Hindi na rin daw bitter si Kyline sa nangyari sa kanila ni Kobe.

“I'm not gonna lie, at first there's bitterness. But ngayon po, wala na. Kasi, again, you cannot be bothered by the things that you cannot control,” sabi ni Kyline na napapanood sa “Beauty Empire.”

Inilahad din ni Kyline ang kaniyang natutunan sa nakaraan niyang relasyon.

“Knowing your boundaries and having self-respect. Siguro 'yun po 'yung dalawang importante na natutunan po sa relationship na 'yun."

Sa tanong na kung naka-move on na siya mula sa breakup nila ni Kobe, sagot ni Kyline, “Kailangan po natin mag-move forward sa buhay.”

Sinabi ni Kyline na hindi madali ang heartbreak, ngunit sinasalamin din nito ang nakaraang pag-iibigan.

"I believe that all heartbreaks or breakups are painful because you will experience grief. And grief hurts. It hurts so much. But for me, it's an echo of love. We will mourn something or someone that once made our hearts full," paliwanag niya.

"Yun po 'yung masakit. And to grieve is to know that you've had something worth losing. And with that, just that, it is beautiful," dagdag pa ni Kyline.

Para sa Sparkle star, "privileged grief" ang sakit ng heartbreak.

“Pero the fact that you experienced that kind of grief, what I call it is privileged grief. Meaning po nu’n, in-allow mo 'yung sarili mo na magmahal at maging happy talaga du’n sa tao o bagay na ‘yun.”

Sa kabila nito, sinabi ni Kyline na lahat ng tao ay karapat-dapat sa pagmamahal.

“Loving is a privilege. Loving is a great feeling, Tito Boy. And I hope everyone will feel that. That pure and genuine happiness,” ayon pa sa aktres.—FRJ, GMA Integrated News