Mapapanood sa streaming service na Netflix ang pelikulang “Out of Order” na directorial debut ni Alden Richards. Bukod rito, sasalang din ang pelikula sa isang film festival sa India.
Sa isang social media post, ibinahagi ng Sparkle Artist ang official film poster at screenshot mula sa streaming platform na “coming soon” tab.
Ayon sa post, mapapanood sa Netflix ang “Out of Order” simula sa October 2.
Bukod sa Netflix, kasali rin ang “Out of Order” sa 2025 Jagran Film Festival sa India na magsisimula sa September 19.
Inihayag ito ng Myriad Corporation, na itinatag ng actor-director na si Alden.
Kasama rin si Alden sa "Out of Order," na kinabibilangan nina Nonie Buencamino at Heaven Peralejo.
Sa Netflix, ipinaliwanag ang "Out of Order" ay pelikula tungkol sa isang "struggling lawyer who gets his big break after his estranged father asks for legal help when he's put on trial for a murder he can't remember committing."
Ang pelikula ay collaboration ng Viva Films at Myriad.— mula sa ulat ni Jade Veronique Yap/FRJ GMA Integrated News