Muling pumirma ng kontrata si Jillian Ward bilang Kapuso nitong Martes, at inihayag na bukas siyang makasama sa proyekto si Eman Pacquiao.
“If that means na mas lagi kaming magkikita, siguro yes. Well, siyempre, open po ako,” ayon kay Jillian.
Inilarawan din ni Jillian si Eman na sobrang bait at supportive na tao.
“Sobrang bait niya po eh, as in. Kahit this morning, he texted me. Nangamusta siya. So if I’d be working with somebody that’s supportive, why not?” ayon pa sa aktres.
Kamakailan lang, sinuportahan din ni Jillian at personal na pinanood ang laban ni Eman sa boxing sa Bohol, at nanalo ang binata.
Tinawag din ni Jillian na “‘future world champion” sa boxing si Eman.
Nang tanungin sa kaniyang pananaw tungkol sa pagkakaroon ng ka-love team, tugon ni Jillian, “My opinion on love teams, kasi po, ano ‘yon eh, to each to their own. Siyempre kung saan komportable ‘yung isang artista. But personally, when I was younger, gusto ko talaga na—I want to do everything solo. Pero now I’m open to anything. Kasi gusto ko talaga pong matuto pa and maging versatile talaga.”
Kasalukuyang napapanood si Jillian sa Primetime series na “Never Say Die,” kasama sina David Licauco, Kim Ji Soo, at Raheel Bhyria. — Carby Rose Basina/FRJ GMA Integrated News
