Inihayag ni Claudine Barretto ang kaniyang paghanga kay Judy Ann Santos, na hindi sinarili ang titulong ‘Teleserye Queen’ kundi piniling ibahagi ito sa kaniya.
Sa “Fast Talk with Boy Abunda” sinabi ni Claudine na gusto niyang makatrabaho si Judy Ann sa isang proyekto sa hinaharap.
“That’s one of my bucket lists,” sabi ni Claudine.
“Judy Ann and I, people think we don’t get along or we never got along. But in truth is that even noong debut niya right after, I remember that was a Sunday and everything was closed, the afterparty was in my condominium,” pagpapatuloy ng aktres.
Hindi man nagkakasama sa proyekto, sinabi ni Claudine na close silang magkaibigan ni Judy Ann.
“Ang dami naming pinagdaanan ni Judy Ann. It’s just that during the time, kumbaga para kaming mag-boyfriend-girlfriend ni Judy Ann, bawal kaming makita sa labas kasi ayaw ni Tito Alfie (Lorenzo), kasi dapat daw ala-Nora-Vilma.”
“I will never forget what Judy Ann for me. That’s why she is who she is, that’s why Judy Ann Santos is Judy Ann Santos,” ayon pa kay Claudine.
Noong nasa “lowest point” ng kaniyang buhay si Claudine, naalala niya ang pagiging mabuti sa kaniya ni Judy Ann.
“They said, in one of her interviews they said that she is the ‘Teleserye Queen,’ she said ‘No. Claudine and I share this title,’” pag-alala ni Claudine.
“I will never forget that Boy, till the day I die.”
Ayon kay Claudine, pangarap nila ni Judy Ann na makagawa ng pelikula.
“And that our dream is to be able to do a movie together. And I will forever be grateful for Judy Ann Santos,” sabi niya. —LBG, GMA Integrated News
