Iniulat ng Chinese state media na Global Times na tatlong Pilipinas ang inaresto sa Beijing dahil sa hinalang espiya ang mga ito.
“China’s state security authorities have uncovered a case of Filipino espionage and apprehended three Filipino nationals suspected of spying in the country,” saad ng Global Times sa post sa X.
“The investigation revealed that Philippine intelligence agencies have long been focused on gathering information about China’s military deployments,” dagdag nito.
Sinisikap pa ng GMA News Online na makakuha ng komento mula sa Philippine Embassy sa China, Department of Foreign Affairs (DFA), Department of National Defense (DND), National Security Council (NSC), Armed Forces of the Philippines (AFP), at Philippine National Police (PNP) tungkol sa ulat.
Nitong nakalipas na mga buwan, ilang Chinese nationals ang inaresto sa Pilipinas dahil sa hinalang nag-e-espiya sila.
Una nang sinabi ng AFP na pinagbubuti nila ang kanilang intelligence at cyber defense dahil sa espionage activities sa bansa.
Hiniling pa ni National Security Adviser Secretary Eduardo Año sa Kongreso na amyendahan ang Espionage Act, at ang Countering Foreign Interference and Malign Influence bill. — mula sa ulat ni Joviland Rita/FRJ, GMA Integrated News
