Namatay sa heat stroke ang isang lalaki sa Dumanjug, Cebu matapos nitong subuking pumila para makakuha ng ayuda mula sa Social Amelioration Program (SAP) ng gobyerno nitong Biyernes.
Kinilala ang biktima na si Lolito Ferrer Sr., 56 anyos, ng Barangay Lawaan.
Sa spot report ng pulisya, sinabi na ang ikinamatay ng matanda ay dahil sa heat stroke.
Natagpuan ang kanyang katawan sa may damuhang bahagi ng kanilang lugar na wala ng buhay bandang 1:20 ng hapon.
Bago ang insidente, maaga daw nagpunta ang lalaki sa multi-purpose building ng kanilang barangay dahil schedule daw kasi ng pamamahagi ng SAP sa kanilang lugar.
Tanghali na nang nakaramdam daw ito ng gutom kaya nagpasya itong umuwi muna sa kanila para kumain. - MDM, GMA News
