Nasa 60 na indibidwal ang inaresto sa Minglanilla, Cebu dahil sa paglabag diumano sa quarantine protocols sa lugar nitong Sabado.
Nadakip sila sa isang simultaneous Enhancement Managing Police Operation (SEMPO) na isinagawa ng Minglanilla Municipal Police bandang mula 6 a.m. hanggang 9 a.m.
Karamihan sa nadakip ay mga mga naglalakad sa kalsada nang walang suot na facemask, sumasakay ng pampasaherong sasakyan na walang face shield, at iyong hindi sumusunod sa physical distancing.
Ang mga nadakip ay pinauwi naman kaagad matapos makapag piyansa ng P500.
Ayon sa hepe ng Minglanilla Municipal Police na si Police Major William Homoc, patuloy ang kanilang striktong pagbabantay sa mga taong hindi sumusunod sa minimum health protocols sa lugar.
Iniiwasan daw nila na sumipa muli ang bilang ng mga tinamaan ng sakit sa lugar at mabaliwala pa ang pagsisikap na ginawa ng lokal na pamahalaan. -MDM, GMA News
