Marami sa mga tao ang sanay sa konsepto ng monogamy o iisang partner lang pagdating sa pag-ibig. Pero may ilang tao na pumapasok sa relasyong polyamory o pagkakaroon ng higit sa isa pang partner, at hindi lihim sa kanila ang relasyon. Puwede nga bang umibig nang maramihan?
Sa programang "Share Ko Lang," ipinaliwanag ni Drew O'Bannon ng Now Open PH, na ang polyamory ay nanggaling sa mga salitang "poly" na nangangahulugang "many," at "amory" na nangangahulugang "loves." Kaya ang polyamory ay nangangahulugang "many loves."
Ang polyamory ay pagkakaroon ng maraming karelasyon, kaya merong mga tinatawag na "Throuples," "triads" o "triangles."
"The thing with non-monogamy is pinag-usapan namin kung ano 'yung cheating, kung ano ‘yung puwede... the thing is you can also cheat in non-monogamous relationships. Kasi may mga rules, mga agreements din kaming nilalatag tapos if you break the rules and that’s cheating," paliwanag ni O'Bannon.
"It might not be the same cheating for other people but cheating still happens. So hindi siya cheating because everybody agrees to it, everybody’s fine with it. It’s only cheating if you go against something," dagdag ni O'Bannon.
Dahil dito, mahalaga ang consent at informed dapat ang isang tao kung papasok siya sa polyamory.
Ipinaliwanag din ni O'Bannon, ang pros and cons ng ganitong uri ng pakikipagrelasyon.
"It has two side to it. ‘Yung pro side nu'ng commitment ng non-monogamy is that na de-design mo ‘yung commitment mo the way that you want. The con of that naman is medyo nakakatakot 'yung wala kang script, hindi mo alam ang ginagawa mo, kahit may mga kaibigan ka na hindi rin monogamous, but iba 'yung gusto nila eh, so hindi naman puwede," sabi ni O'Bannon.
"One con of non monogamy is that the more people you date, the more chances of heartbreak, the more chances of pain, the more chances of jealousy especially ‘yung jowa mo rin may ibang partner, so that can be hard," dagdag niya.
Ayon kay O'Bannon, hindi tinatanggap ng ibang tao ang polyamory dahil sa ideya na ang pag-ibig ay mapag-angkin.
"I think one of the biggest blocks to accepting non-monogamy is we have this idea na love is possessive, it’s about ownership, it’s like your mind like literally that’s we call each other the mind. 'That’s my jowa.' Or we have this idea na ‘Oh no one else is allowed because this is my person, I have monopoly over their sexual romantic expression,'" saad niya.
Ngunit para sa mga taong nasa polyamorous relationship, hindi na ito mahalaga.
"So for some people that’s what they want and love. For other people, that doesn’t matter to us, that’s just a simple as that. Hindi naman tinatali ‘yung feelings of worth namin sa ilang partners ng partner namin," sabi ni O'Bannon.--FRJ, GMA Integrated News
