Isang mananaya rin lang ang nanalo ng mahigit P162 milyong jackpot prize sa Grand Lotto 6/55 draw nitong Lunes ng gabi, Nobyembre 29, 2021.
Sa website ng Philippine Charity Sweepstakes Office, nakasaad na isang mananaya lang ang nakakuha ng winning combination sa naturang draw na 29-42-12-41-01-35.
Umabot ang kabuuang premyo nito sa P162,347,069.60.
Nito lang nakaraang Biyernes, isang mananaya rin lang ang nanalo ng mahigit P378 milyong premyo sa Ultra Lotto 6/58 draw.
Samantala, wala namang nanalo sa kasabay nitong Megalotto 6/45 draw nitong Lunes, na ang lumabas na kombinasyon ng mga numero ay 01-23-38-08-17-30 , at mahigit P52 milyon ang premyo.-- FRJ, GMA News
