Iniulat ng ilang media outlet sa Thailand na naglabas ng arrest warrant ang korte laban sa dating co-owner ng Miss Universe na si Anne Jakrajutatip.
Ayon sa Khaosod English, lumabas ang arrest warrant nang hindi dumalo si Jakrajutatip sa pagbasa ng hatol sa kinakaharap niyang fraud case na kinasasangkutan ng 30 milyong Thai baht o mahigit P54 milyon.
Hindi rin nagbigay ng paliwanag si Jakrajutatip sa kaniyang pagliban, na itinuring ng South Bangkok Criminal Court bilang indikasyon na “she intended to evade justice and ordered her arrest."
"The case was filed by Dr. Raweewat Maschamadol against JKN Global Group Public Company Limited (defendant 1) and Jakkaphong Jakrajutatip (defendant 2) on charges of joint fraud through false representation and concealment of facts," ayon sa Khaosod English.
Sa ulat naman ng The Nation Thailand, napaniwala umano ng mga akusado ang complainant na mag-invest sa corporate bonds na nagkakahalaga ng 30 milyong baht kahit alam nilang hindi nila ito mababayaran.
"The court found sufficient grounds to proceed with the case and allowed the second defendant to be released on bail with permission to have the case heard in absentia. After evidence from both sides was presented, the court scheduled the verdict for November 25," saad sa Khaosod English.
Bukod sa pag-utos ng pag-aresto sa kaniya, inatasan din ng korte ang buong forfeiture ng piyansa ni Jakrajutatip, at itinakda muli ang pagbasa ng hatol sa Disyembre 26.
Samantala, iniulat na bumiyahe si Jakrajutatip patungong Mexico.
Saad sa ulat ng South China Morning Post, "political activist Sondhi Limthongkul accused Jakapong [Jakrajutatip] of relocating to Mexico to evade the rehabilitation plan [of JKN] and other legal obligations."
Iniulat din ng Khaosod English na naganap umano ang paglipat sa Mexico ni Jakrajutatip sa harap ng mga impormasyon na, “Anne Jakkaphong [Jakrajutatip] had converted 6 billion baht ($186 million) into cryptocurrency."
"On November 24, JKN Global issued a statement denying these rumors, attributing delayed debt payments to economic slowdown and cash flow discrepancies rather than fraud. The company stated that investigations by government agencies are ongoing and that no wrongdoing has been established. JKN affirmed its commitment to transparent operations and cooperation with all parties," ayon sa Khaosod English.
Nagbitiw si Jakrajutatip bilang CEO ng Miss Universe noong Hunyo 20 habang dumaranas ang kompanyang JKN sa reorganisasyon ng board members.
Sa unang bahagi ng taon, naglabas ng pahayag ang Miss Universe Organization na inilalayo nito ang sarili sa kinakaharap na usaping legal ni Jakrajutatip.
Si Jakrajutatip ay isang maimpluwensyang transgender na gumawa ng kasaysayan nang bilhin niya ang Miss Universe Organization noong 2023.
Dumating ang mga ulat tungkol sa kaniyang legal na problema habang dumaranas din ng sariling kontrobersiya ang MUO.— FRJ GMA Integrated News
