Kinumpirma ng Bureau of Immigration (BI) ngayong Martes na bumisita sa Pilipinas noong Nobyembre ang umano’y mag-amang suspek sa pamamaril sa Bondi Beach sa Australia, na ikinasawi ng 16 katao at ikinasagutan ng 40 iba pa.

Inihayag ito ng BI sa harap ng isinasagawang imbestigasyon ng mga awtoridad sa Australia kung bakit nagpunta at ano ang ginawa sa Pilipinas ng mga suspek na sina Sajid Akram, 50-anyos, at Naveed Akram, 24-anyos.

Ayon kay Immigration spokesperson Dana Sandoval, dumating sa bansa noong November 1 mula sa Sydney ang dalawang suspek.

Idinagdag ni Sandoval na isang Indian national (Australian resident) si Sajid, habang Australian national na ang kaniyang anak.

Naging final destination sa Pilipinas ng mag-ama ang Davao.

Umalis naman ng Pilipinas ang dalawa noong November 28 na may connecting flight na mula sa Davao patungong Manila, at sa Sydney ang final destination.

Ayon sa Armed Forces of the Philippines (AFP), batid nila ang media reports tungkol sa posibleng koneksyon ng mag-ama sa terrorist groups.

“At this time, there is no validated information confirming such claims,” sabi ni AFP spokesperson Colonel Francel Margareth Padilla sa isang pahayag.

“Matters involving the movements of foreign nationals and potential terrorist links are being closely coordinated through the appropriate government agencies,” dagdag niya.

Ayon pa kay Padilla, “the AFP continues to work with the broader security sector to maintain vigilance against any form of terrorism and remains fully committed to supporting civilian authorities in safeguarding national security, in accordance with the Constitution and existing laws.”

Samantala, sinabi ng Malacañang na hindi maituturing na serious security concern ang pagbisita sa Pilipinas ng mag-amang suspek.

''At this time, there is no confirmed information indicating that their visit posed a security threat, and this is not considered a serious or immediate concern,'' saad ni Palace Press Officer Undersecretary Atty. Claire Castro, sa pagbasa sa pahayag ng National Security Council.

''Standard security, immigration, and counterterrorism protocols remain fully active, with coordination ongoing with Australian authorities,'' patuloy ni Castro sa pagbasa sa pahayag ng NSC.

Nangyari ang pamamaril sa Bondi beach noong December 14, habang idinadaos ang Jewish holiday celebration. Nasawi rin ang isa sa mga suspek.— Joahna Lei Casilao/Joviland Rita/FRJ GMA Integrated News