Inihayag ni Nico Bolzico ang kaniyang paghanga sa ka-teammate na si Alden Richards nang makatapos sila ng triathlon relay sa Davao City. Ang akala ni Nico, hindi magiging handa si Alden.
“I have to admit it… I underestimated Alden,” pag-amin ni Nico sa kaniyang social media post.
Sa post ni Nico, inilarawan niya si Alden bilang "one of the busiest and most recognized actors out there," kaya naman sinabi niyang "I wasn't sure he had what it takes to fully prepare, perform” sa kanilang triathlon.
Gayunman, unti-unting nagbago ang pananaw ni Nico nang makita niya ang determinasyon ni Alden sa kabila ng pagiging abala sa mga commitment nito at wala pang masyadong pahinga.
“In those two months, Alden showed up in a way very few people do. Straight from taping to training. From the airport to the track,” ani Nico.
“No sleep, no excuses. No shortcuts. Just work,” dagdag pa ni Nico.
Inilahad ni Nico na may pag-aalanganin siya kung kakayanin ng Asia’s Multimedia Star ang hamon.
“But I still wasn’t sure he got it in him… Maybe I thought he was too busy. Maybe I thought he was too polished. Or maybe… just too good-looking to become a beast," patuloy ni Nico.
Pagdating ng araw ng kompetisyon, dito na tuluyang nagbago ang pananaw ni Nico kay Alden.
"I didn’t see the same person anymore. I saw someone who had emptied the tank completely. Someone who had given everything," sabi ni Nico nang masaksihang tinapos ni Alden ang bike leg.
"In that moment, he wasn’t just Alden Richards to me. He was Alden f****** Richards," sabi pa niya.
Dahil dito, pursigido si Nico na pagbutihin din niya ang sarili.
"Alden, I owe you an apology. I underestimated you. And I’m proud—truly proud—to call you my teammate," sabi niya.
Magkakasama sina Alden Nico at Wil Dasovich sa team, at nagtapos ng pangsiyam sa triathlon team relay na may mahigit na 70 kalahok.
-- FRJ GMA Integrated News
