Nag-viral sa social media ang bagong gawa na kalsada sa Bulacan dahil nasa gitna nito ang ilang poste ng kuryente.
Sa ulat ni Jonathan Andal sa "Dobol B sa News TV," ang kalsada ay nasa Barangay Balatong B sa bayan ng Pulilan.
LOOK: Bagong gawang kalsada sa Pulilan, Bulacan, viral sa social media dahil sa mga nakaharang na poste sa gitna ng daan. | via @JonathanAndal_ pic.twitter.com/dU3btfHkQR
— DZBB Super Radyo (@dzbb) December 13, 2018
May road-widening project umano sa naturang kalsada kaya nahagip ang ilang poste ng Meralco sa pinalapad na daan.
Sa huling balita, inalis na ng Meralco ang mga nakaharang na lumang poste ng kuryente, ayon kay Jonathan Andal ng Super Radyo dzBB.
UPDATE: Iniaalis na ng Meralco ang lumang poste ng kuryente na nakaharang sa gitna ng bagong gawang kalsada sa Pulilan, Bulacan @dzbb pic.twitter.com/fk5nseiAE8
— Jonathan Andal (@JonathanAndal_) December 13, 2018
—LBG/KBK, GMA News