Dahil Semana Santa, time out muna sa trabaho ang ilang Kapuso celebrities at sinamantala nila ang pagkakataon para makapagbakasyon sa ibang bansa.
Sa Star Bites report ni Cata Tibayan sa GMA News TV "Balitanghali" nitong Martes, sinabing sa Switzerland nagpalamig si Michael V., kasama ang kaniyang pamilya.
Nag-quality time naman si Solenn Heussaff sa San Francisco, California kasama ang kaniyang asawa na si Nico Bolzico.
Si Gabby Eigenmann naman, nakisaya sa Songkran holiday sa Thailand, at hindi niya pinalampas na mag-food trip doon.
Ang kaniyang tita na si Cherie Gil, naglibot sa ilang tourist spots sa Madrid at Sevilla sa Spain, kasama ang anak na si Raphael.
Nasa Taiwan naman sina Barbie Forteza, Jak Roberto, at Sanya Lopez.
Si Megan Young, sumubok na kumain ng live octopus habang nasa South Korea, kasama si Mikael Daez.
Nag-cherry blossom adventure naman sa Osaka, Japan sina Joyce Pring at Juancho Trivino. -- FRJ, GMA News
