Napanatili ng Tropical Storm Crising ang kaniyang lakas habang tinatawid ang karagatan sa bahagi ng Calayan, Cagayan, ayon sa PAGASA bulletin kaninang 11 p.m. ng Biyernes.

Dakong 10:00 pm, taglay ni Crising ang pinakamalakas na hangin na 75 km/h malapit sa gitna at may pagbugso na umaabot sa 105 km/h. Kumikilos ito pakanluran hilagang-kanluran sa bilis na 15 km/h.

Nakataas ang Signal No. 2 sa mga lugar ng:

  •     Batanes
  •     Cagayan including Babuyan Islands
  •     Isabela
  •     Apayao
  •     Kalinga
  •     Northern at central portions ng Abra (Manabo, Pidigan, San Juan, Tayum, Langiden, Boliney, Sallapadan, Bucloc, Lagangilang, Danglas, La Paz, Licuan-Baay, Tineg, Malibcong, Peñarrubia, San Isidro, Daguioman, San Quintin, Dolores, Lagayan, Bangued, Bucay, Lacub)
  •     Eastern portion ng Mountain Province (Natonin, Paracelis)
  •     Eastern portion ng Ifugao (Aguinaldo, Alfonso Lista)
  •     Ilocos Norte
  •     Northern portion ng Ilocos Sur (Cabugao, Sinait, Magsingal, San Juan, San Ildefonso, Santo Domingo, Bantay, San Vicente, Santa Catalina, Caoayan, City of Vigan, Santa)

Habang Signal No. 1 sa mga lugar ng:

  •     Quirino
  •     Nueva Vizcaya
  •     rest of Mountain Province
  •     rest of Ifugao
  •     rest of Abra
  •     Benguet
  •     rest of Ilocos Sur
  •     La Union
  •     Northern portion ng Pangasinan (San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, Bugallon)
  •     Northern portion ng Aurora (Dilasag, Casiguran, Dinalungan, Dipaculao, Baler, Maria Aurora)
  •     Northeastern portion ng Nueva Ecija (Carranglan, Pantabangan)

''Crising will move west northwestward within the next 24 hours. On the forecast track, it is now less likely to landfall over Babuyan Islands. Afterwards, it will continue to move west northwestward, traversing Extreme Northern Luzon until it exits the Philippine Area of Responsibility by tomorrow (July 19) morning,'' ayon sa PAGASA na sinabi ring patuloy itong lalakas hanggang sa maging severe tropical storm category sa Sabado ng gabi o Linggo ng umaga.

Nagbabala ang PAGASA ng minimal to moderate risk of life-threatening storm surge na posibleng umabot ng 1.0 hanggang 2.0 metro ang taas sa loob ng 24 oras sa mga baybaying-dagat ng Batanes, Cagayan pati na sa Babuyan Islands, Ilocos Norte, at Ilocos Sur.

Hinahatak at pinapalakas ni Crising ang Habagat kaya magkakaroon din ng pag-ulan sa mga lugar na hindi direktang apektado ng bagyo.

Magdudulot din ang habagat ng malalakas na bugso ng hangin sa mga sumusunod na lugar:

• Sabado: Metro Manila, Pangasinan, Central Luzon, CALABARZON, MIMAROPA, Bicol Region, Visayas, Zamboanga Peninsula, Basilan, Sulu, Tawi-Tawi, Misamis Occidental, Lanao del Norte, Camiguin, Dinagat Islands, Davao Occidental, at Davao Oriental.

• Linggo: Metro Manila, Ilocos Region, Central Luzon, CALABARZON, MIMAROPA, Bicol Region, Visayas.

Maliban sa deklarasyon ng mga opisyal ng lokal na pamahalaa, sa ilalim ng Department of Education (DepEd) Order No. 22, s. 2024, awtomatikong walang pasok sa Kindergarten ang mga lugar na nakataas ang Signal No.1.

Samantala, Grade 1 hanggang Grade 10 naman ang walang pasok sa mga lugar na nakataas ang Signal No.2, at walang pasok sa all levels kapag Signal No. 3 na ang umiiral na alerto sa lugar. —FRJ, GMA Integrated News