Inihayag ng Department of Education (DepEd) nitong Lunes na wala silang plano na ibasura ang K to 12 Program sa kabila ng umano'y "online misinformation."

"The claims circulating online came after news of the Commission on Higher Education’s (CHEd) plan to 'review and change' the system for its K to 12 Transition Program was misconstrued to mean the implementation of the entire K to 12 Program. These two are not one and the same," ayon sa DepEd.

Paliwanag pa ng DepEd, hindi nila basta maaaring itigil ang programa dahil mayroong batas tungkol dito na Republic Act No. 10533 or "Enhanced Basic Education Act of 2013."

RELATED: LIFE AFTER K-TO-12 PROGRAM: Ilang senior high grads, bakit hirap pa rin daw makahanap ng trabaho

"As with any law, the implementation, amendment, expansion, or repeal of the K to 12 Program is within the ambit of the legislative branch of the government comprised of the Senate of the Philippines and the House of Representatives," paliwanag pa ng DepEd sa pahayag.

Idinagdag pa ng DepEd na mahigit 2.7 milyong estudyante na araw ang nakibang sa mula programa matapos makatanggap ng "free or highly-subsidized" senior high school education sa mga pampubliko at private schools sa buong bansa.

Makasasama rin umano sa sistema ng edukasyon sa bansa kapag ibinasura ang naturang programa.— FRJ, GMA News