Tumanggap ng parangal ang ilang Kapuso stars sa katatapos lang na 2018 Filipino Academy of Movie Arts and Sciences (FAMAS) Awards.

Sa ulat ni Luane Dy sa GMA News "Unang Balita," sinabing nakuha ni Asia's Pop Sweetheart Julie Anne San Jose ang German Moreno Youth Achievement award.

Best Supporting Actress naman ang batikang aktres na si Odette Khan para sa pelikulang "Bar Boys."

Wagi rin si Mon Confiado bilang Best Actor in a Supporting Role para sa "Mga Gabing Kasing Haba ng Hair Ko." -- Jamil Santos/FRJ, GMA News