Inihayag ng bida ng Kapuso series na "The Gift" na si Alden Richards ang suporta niya kay Maine Mendoza at sa pelikula nitong "Isa Pa With Feelings," kasama si Carlo Aquino.
Sa kaniyang Twitter, hinikayat ni Alden ang fans na manood ng "Isa Pa With Feelings," na unang araw ngayon sa mga sinehan.
Alam na this, pagkatapos ng trabaho at school derecho agad ng sinehan para sa #IsaPaWithFeelingsNowShowing congratulations ma’am @mainedcm ???????? ???? pic.twitter.com/scaPqBRNDv
— Alden Richards (@aldenrichards02) October 16, 2019
"congratulations ma’am @mainedcm ???????? ????" pagbati ni Alden kay Maine sa success ng pelikula.
Matatandaang sinuportahan din ni Maine si Alden nang ipalabas naman ang pelikula ng Asia's Multimedia Star kasama si Kathryn Bernardo na "Hello, Love, Goodbye."
Naging phenomenal noon ang love team nina Alden at Maine na AlDub nang mapanood sila sa "Kalyeserye" ng Eat Bulaga.
Ang "Isa Pa With Feelings" ang unang pagtatambal nina Carlo at Maine.
Star-studded ang premiere night ng "Isa pa With Feelings" nitong Martes.
Sa Star Bites report ng GMA News TV "Balitanghali," sinabing nakitang dumalo sina Bossing Vic Sotto, Pauleen Luna, Ruby Rodriguez, at Baeby Baste, at APT Entertainment at TAPE Inc. co-owner at chairman Antonio Tuviera. Nandoon din sina Benjie Paras at Angelika dela Cruz. --Jamil Santos/FRJ, GMA News
