Nang una pa lang daw niyang makita si Martin Spies sa isang simbahan sa New York, sinabi ni Rachelle Ann Go na ito na ang "The One" para sa kaniya.

"That was back in January 2017. Pumunta ako sa church sa New York, I was by myself, naramdaman ko 'yung presence ng isang tall guy. Pogi. Pagtingin ko, napa-double look ako. Sabi ko, ‘That’s the guy I’m going to marry!’ I claimed it na talaga!" masayang pagbabahagi ni Rachelle sa GMA News and Public Affairs.

"But I had to stop myself at that point. Sabi ko, I’m here to focus on the Lord, hindi sa lalaki. So I focused kay Lord," pagpapatuloy niya.

READ: RACHELLE ANN GO: Living the Dream

Ikinuwento ni Rachelle na nasa New York siya noon nang maramdaman niya ang lalo pang paglakas ng kaniyang pananampalataya.

"Dumating kasi ako sa point na I was very lost out there, and wala akong matakbuhan. Mag-isa ako doon, hindi nakakatulog, hindi nakakakain. 'Yun na talaga ako kinalabit ni Lord. ‘I’m just here. Talk to me,’" anang international theater actress.

Hindi raw gumawa ng "move" si Rachelle nang makita niya sa church service si Martin; "And then na-meet ko ang husband ko," at doon na nagsimula ang lahat.

"Inaayos pa rin naman ni Lord 'yung puso ko, but in New York, I was only there for seven months pero 'yung journey ko doon spiritually, napakalalim," ani Rachelle.

Ngayon, proud Christian si Rachelle, kung saan bahagi siya ng worship team at nasa prayer team naman si Martin.

"Sunday is my rest day pero sabi ko, ‘Lord give me extra energy to do it.’ I still need to rest so I don’t do it every Sunday but I do it when I can."

Sa #RealTalk ng GMA News and Public Affairs, inihayag ni Rachelle ang plano nila ni Martin kung saan sila maninirahan.

"For now I think we're gonna stay in London for a while, my husband is waiting for me out there. I actually asked him, I said, 'What do you wanna do? You think you wanna go to the Philippines and try out there? Pero both of us feel like doon muna 'yung calling namin and feel like I just wanna out there and maybe eventually babalik tayo rito sa atin."

Panoorin ang buong panayam kay Rachelle sa video na ito kung saan ibinahagi rin niya ang ilang kuwento tungkol sa pagsabak niya sa teatro. --FRJ, GMA News