Makakasama ni Bea Alonzo sa upcoming Kapuso series na “Whispers From Heaven” si Maricar Reyes.
Sa Chika Minute report ni Nelson Canlas sa GMA News “24 Oras” nitong Huwebes, sinabing unang Kapuso series ni Maricar ang naturang proyekto.
“I'm very grateful. Actually matagal ko nang iniisip isip 'to, kasi I'm a freelance actor and I was open always to... It's really the project,” saad ng aktres.
Excited din si Maricar sa kaniyang magiging role na kontrabida sa series.
“I’m excited to explore kasi ano siya eh, parang antagonist siya, excited ako to explore,” ani Maricar.
“Actually, I was just talking to Jake Macapagal how we explore our characters kasi siyempre wala naman taong nagigising sa umaga na gustong maging bad guy. Parang it develops over time, over a series of bad choices, bad mindsets, so excited ako to explore that with my fellow actors also," dagdag niya.
Kasama rin sa “Whispers From Heaven” sina Tom Rodriguez, Jake Macapagal, Cassy Legaspi, Jason Abalos, at iba pa. —FRJ GMA Integrated News
