Inihayag ni Christian Bautista ang kasiyahan na naging bahagi siya ng official soundtrack ng inaabangang drama series na “Unbreak My Heart.”
"It’s a real honor on my part to be one of the voices of the official soundtrack of upcoming TV drama series “Unbreak My Heart,” pahayag ni Christian sa kaniyang Instagram post.
"The melodramatic ballad 'You Are Everything' was crafted into perfection as we worked with Korean producers to record the songs," patuloy niya.
Tila timing para kay Christian ang pagkakasama niya sa official soundtrack ng “Unbreak My Heart” dahil ipagdiriwang din niya ang ika-20 taon niya sa industriya.
Marami ang nag-aabang sa "Unbreak My Heart,” dahil ito ang unang collaboration TV series ng GMA, ABS-CBN, kasama ang Viu.
"We are excited to let you see, hear, and feel this beautiful collaboration," saad pa ni Christian.
Bibida sa naturang drama series sina Josi Sta. Maria, Richard Yap, Joshua Garcia, at Gabbi Garcia.
Mapapanood ang “Unbreak My Heart” simula sa May 29- Lunes hanggang Huwebes sa ganap na 9:35 p.m. sa GMA Telebabad, Pinoy Hits, I Heart Movies, at sa ganap na 11:25 p.m. on GTV. Ipapalabas din ito sa GMA Pinoy TV at TFC.
Ang advance streaming ay gagawin sa May 27, 9:00 p.m. sa gmanetwork.com, iWantTFC at Viu.-- FRJ, GMA Integrated News
