South Korean actress na si Kim Sae Ron, pumanaw na

Pumanaw na ang 24-anyos na South Korean actress at dating sikat na child star na si Kim Sae Ron.

Ayon sa Seoul Seongdong Police Station, batay sa ulat ng Soompi, “there were no signs of crime including break-in,” kaugnay sa ginagawa nilang imbestigasyon sa pagpanaw ng aktres.

“We kindly ask for consideration of the deceased and their bereaved family and that you refrain from speculating about the specific circumstances and manner of death. We ask for your understanding that the police cannot confirm,” dagdag nito.

Idinagdag pa sa ulat na ang kaibigan na dapat na katatagpuin ni Sae Ron ang nakakita sa katawan ng aktes.

Kabilang sa mga pelikulang ginawa Sae Ron ang “A Brand New Life,” at “The Man From Nowhere.” Napanood din siya sa ilang series gaya ng “Hi! School Love On,” “Can You Hear my Heart,” “The Queen’s Classroom,” at iba pa. — FRJ, GMA Integrated News