Nilinaw ni Priscilla Meirelles na legal pa siyang kasal kay John Estrada matapos tanungin sa "Fast Talk with Boy Abunda" nitong Biyernes tungkol sa estado ng relasyon nila ng aktor.
“Legally, we’re still married," tugon ng Miss Earth 2004, pero iniwasan niyang sagutin kung nagsasama pa sila ni John.
Iginiit din ni Priscilla na hindi niya alam ang tungkol sa post ni John noong 2024 nagkasundo umano silang mag-asawa na maghiwalay muna.
"I was not aware of that. So I don’t know, maybe kung nag-decide siya sa side niya na take a break," sabi niya.
Inalala ni Tito Boy ang huling usapan nila ni Priscilla kung saan sinabi ng dating beauty queen na narating na niya ang kaniyang "limit."
"Ngayon as we talk, nasaan ka? Narating mo na ba ang limit mo? Everything is on John?" tanong ng King of Talk.
"I am in a place where I'm in peace. I have joy from within and I'm really having a great time, because now I have time to focus on myself," ayon kay Prescilla.
“I’m investing time on myself health-wise, you know, physical health, mental health. I have a wonderful relationship with my daughter, and whatever happens in terms of what is my status right now, all I can say is that technically, I’m still married,” patuloy niya.
Tinanong ni Tito Boy kung nasa punto ngayon si Priscilla na ipinaglalaban niya ang kaniyang pagiging kasal kay John.
“I’m in a point in my life that [pinaglalaban] ko ‘yung sarili ko," sabi niya. "I went back to loving myself, which was lost for many years. And I'm not blaming anyone. It's basically my fault that I got to a point where I was not loving myself anymore. So today, I can say that, oh my gosh, I have so much love because I love myself first. Of course, God, me, and then I have so much love to share.”
Ikinasal sina Priscilla at John noong 2011. May isa silang anak na si Samantha Anechka, na isinilang noong 2012. -- FRJ, GMA Integrated News
